कोरोना कईले बाटे परेशान सँवरु।
हउवें देशवा के लोग हैरान सँवरु।।
गइल अषाढ़ सवन ऋतु आइल
सजना के सुधि आ सनेस ना सुनाईल
एमें बरखा के बुन्नी लगे बान सँवरु।।
देवरा से कइसे डिसटेन्स हम बनाई
घर में ना रहीं बोलीं कहाँ चलि जाई
रउवा कहतीं त दे देती परान सँवरु।।
भोजपुरी लोकगीत --गायक-मुहम्मद खलील
अमवा के बारी में बोले रे कोयिलिया ,आ बनवा में नाचेला मोर| पापी पपिहरा रे पियवा पुकारे,पियवा गईले कवने ओर निरमोहिया रे, छलकल गगरिया मोर निरमोहिया रे, छलकल गगरिया मोर||........... छलकल .... सुगवा के ठोरवा के सुगनी निहारे,सुगवा सुगिनिया के ठोर, बिरही चकोरवा चंदनिया निहारे, चनवा गईले कवने ओर निरमोहिया रे, . छलकल .... नाचेला जे मोरवा ता मोरनी निहारे जोड़ीके सनेहिया के डोर, गरजे बदरवा ता लरजेला मनवा भीजी जाला अंखिया के कोर निरमोहिया रे, . छलकल .... घरवा में खोजलीं,दलनवा में खोजलीं ,खोजलीं सिवनवा के ओर , खेत-खरिहनवा रे कुल्ही खोज भयिलीं, पियवा गईले कवने ओर निरमोहिया रे, छलकल ....
Comments
Post a Comment